TATALA ALOAIA AI O ATINA’E ESEESE MATAGALUEGA | FAATA SIAKI OLOA, TONIGA FOU, TAAVALE UA MAE’A TAPENAINA AI FEAU FA’ALAUILOA I LE MALAE VAALELE FAAVAOMALO I FALEOLO [27 Novema 2025]

SAMOA, November 27 - SAUNOAGA AUTU a le afioga ia Aiolupotea Toni Aiolupo o le Minisita Lagolago o Faatoaga ma Faigafaiva

Lau Susuga Fa’afeagaiga – Rev. Gaolo Elisaia

Afioga Minisita Kapeneta & Afioga Minisita Lagolago

Ms Aliona Niculita – Fa’auluuluga o le Ofisa UNDP i Samoa

Ofisa Sili o Matagaluega Malo (Auaunaga Puipuiga o Tuaoi Faava-o-malo)

Paia ma le mamalu o sui auai ua tatou faatasi,

E matou te fa’afeiloai ma fa’atalofa atu I le agaga o le fa’aaloalo e fai ma sui o le Malo ma le Matagaluega o Faatoaga ma Faigafaiva.

E maualuga le manatu o paia fa’aletalalelei I le Susu mai o lau Susuga I le Faafeagaiga Taulagi, o mamalu fa’aleatunu’u, ma paia fa’alemalo aua le afifio mai ma le tala mai o aao i le faamoemoe I lenei vaega o le aso, e I ai le manatu o le taoto ia faagalu e le fati, aua ou paia ma ou mamalu sauo’o – e le popo i sa matou fa’amatalaga. Tulou!

Ae fa’apito au gafa sa matou fa’amatalaga aua le autu ma le fa’amoemoe o lenei aso.

O lenei aoauli, e ia te a’u le agaga o le fa’aaloalo tele e fai ma sui o le Matagaluega o Fa’atoaga ma Faigafaiva, e tatala aloaia ai nisi o atina’e taua a le Matagaluega ma le Malo, e tauala atu I le Auaunaga a le Vaega o Puipuigamalu Lautele o Samoa (Biosecurity Division, MAF).

O nei atina’e o le a tatalaina aloaia e aofia ai:

1. Masini Fa’ata Fou e pei ona outou silasila atu I ai. O lenei masini

ua atoatoa ona malosiaga e mafai ai ona siaki ato malaga ma oloa e auina mai e tagata malaga/pasese e iloa gofie ai oloa e le mafai ona fa’aofi mai I totonu o le atunu’u, aemaise lava o itu tau laau toto ma oloa eseese e gaosi mai I laau toto (ie. plant-based and biological based-products);

2. O le toniga fou a le au faigaluega a le Vaega Puipuigamalu Lautele o Samoa (new Biosecurity Samoa uniform. E pei ona outou silasila atu i ai o lea ua laeiina e le aufaigaluega I le aso I Faleolo nei, faapea foi le tatou Ofisa autu i Matautu.

3. O ta’avale a le Vaega Biosecurity (ie. 2 Van) ua mae’a ona laeina i

ata ma feau taua, o feau fa’alauiloa aua le silafia lautele e le mamalu o le atunu’u, o iniseti fa’alafua e lei o’o mai i Samoa. Aemaise o taumafaiga I oloa faasaina ona auina mai I totonu o Samoa pei o le ‘meli suamalie’ poo le ‘honey’ mai atunu’u I fafo. (ie. newly wrapped biosecurity vehicles promoting awareness on regulated pests and prohibited imports like honey).

O nei atina’e uma, o se la’asaga taua tele lea mo le agai I luma I taumafaiga a le tatou Matagaluega ma le Malo – ina ia siitia le Auaunaga ma le faatinoga o galuega I le siakiina ai o oloa ma ato malaga a pasese, aua le puipuiga malu o Samoa, aemaise puipuiga mo atina’e faatoaga I totonu o le atunu’u, o le tulaga I le puipuiga o le tatou siosiomaga, faatasi ai ma le soifua manuia o tagata, aemaise o le tamaoaiga o Samoa.

O le Auaunaga lenei a le Vaega o Puipuigamalu Lautele o Samoa poo le Biosecurity, a le Matagaluega, o le puipuiga muamua lea (first line of defence) o le atunu’u mai iniseti fa’alafua aemaise fa’ama’I. Afai e vale-tulima le taumafaiga a lenei auaunaga taua, ma ofi mai ai I totonu o le atunu’u iniseti ma manu fa’alafua, o le a le pine le ogaoga o ona aafiga – e mafai ai ona fa’aleagaina a tatou laau toto ma atina’e tau fa’atoaga e pei o atina’e lafumanu, atina’e laau toto, o le tatou ola fa’alenatura o manu ma laau (biodiversity), ma e fa’apena foi ona aafia ai ma le soifua manuia o le atunu’u (people’s wellbeing).

O le mafai ai ona fa’atuina lenei ‘masini fa’ata oloa’ – o se vaai taula’i lea ma fuafuaga alu alu mamao a le tatou Malo ma le Matagaluega ina ia fa’aleleia ai itu tau le siakiina o oloa ma ato malaga a pasese I tatou tuaoi-faava-omalo aemaise le tatou Malae Vaalele Faava-o-malo lenei I Faleolo.

O lenei masini‘fa’ata oloa’ o se masini fa’aonopo nei ua I ai ona malosiaga e vave ai ona iloa oloa faasaina ma siaki ai i ona itu uma – e faamautinoa atili ai, ma fa’aleleia ai le vave o le siakiina o oloa ma ato malaga a pasese.

Ma le vaega taua tele, o le mafai ai ona fa’atino lenei Masini Fa’ata Oloa, o se la’asaga e siitia ai le auaunaga a le Matagaluega ina ia puipui malu Samoa mai ni fa’amata’u (threats) e ono a’afia ai le puipuiga o tatou atina’e fa’atoaga mo le fofoga taumafa, ae faapea foi le malu puipuia ai o Samoa mai aafiaga mai ni iniseti ma manu fa’alafua i le lumanai.

O le ausia ai la o lenei galuega taua tele e pei ona tatou molimauina I le aso, e le mafai ona fa’atinoina pe ana leai nisi o fesoasoani mai a tatou paaga a le tatou Malo e pei ona I ai le lagolago malosi a le Global Environment Facility – e tauala mai I le Polokei o le GEF-7 a Samoa ua fa’aautuina i le ‘Fa’aleleia lea o le tali atu o tatou nu’u ma afioaga e ala i Pulea Gafataulima ai o Iniseti ma Manu Faalafua” -(Enhancing Climate Resilience of Samoa’s Communities through Integrated Management of Invasive Alien Species) .

O lenei polokalame o loo fa’atinoina I lalo o le pulega a le Matagaluega o Punaoa Faalenatura ma le Siosiomaga I le galulue faatasi ai ma le Ofisa o le UNDP i Samoa nei. E fa’aleoina ai ma le agaga fa’afetai tele lenei faiga paaga ma le tatou Matagaluega o Faatoaga ma Faigafaiva, ma le lagolago fa’aauau e ala I lenei poloketi. O la outou lagolago e ala i lenei faamoemoe taua ua mafai ai ona faatuina lenei masini fa’aata, o se ata vaaia lea o le tatou galulue faatasi I le puipuiga o Samoa aemaise ai o lenei itulagi o le Pasefika, mai ni aafiaga o iniseti ma manu fa’alafua.

E avea foi lenei avanoa, e momoli atu ai le fa’afetai I le Pulega o

Malaeva’alele, le Pulega ma Auaunaga a le Customs, Auaunaga a le

Immigration, ma auaunaga uma a le Malo o loo nafa ma le puipuiga o tatou tuaoi faava-o-malo, faamalo faafetai tautua. Faafetai mo le galulue faatasi ai ina ia maopopo ma malutia Samoa mai aafiaga e le gata I iniseti ma manu faalafua ma faamai, ae o tulaga I fualaau faasaina. Faafetai mo galuega lelei uma. O le fa’amanatu a le tatou Malo, ma ‘aua nei galo, o letulaga I le tatou ‘border security’ poo le ‘puipuiga o tatou tuaoi faava-omalo, o le tatou tiute tausoa fa’atasi (shared responsibility), e oo lava i le tatou atunu’u lautele. O le tatou galulue fa’atasi ma feoeoea’i – e mautinoa ai le lelei ma mapo le puipuiga ma le saogalemu o si o tatou atunu’u.

O se tasi o vaega o le tatou faamoemoe, o le fa’alauiloaina aloaia lea o le toniga fou a le tatou aufaigaluega a le Vaega o le Puipuigamalu o Samoa, a le tatou Matagaluega (new Biosecurity Samoa uniform). O lenei toniga o se fa’ailoga o le maualuga o se tautua moomia (professionalism), o tulaga vaaia i aso faiso’o o le tatou auaunaga e ala I tiute ma galuega a le au fai galuega totofi (visibility), o se fa’ailoa maualuga o se auaunaga fa’aeaina. O le tatou aufaigaluega o le Vaega Puipuigamalu Lautele a le Matagaluega o i latou ia o loo I le vaega pito i luma (frontline guardinans) mo le puipuiga o le saogalemu o Samoa. Ma o lenei toniga fou, e fa’amalosia ai o latou nafa ma matafaioi faatino aemaise o le fa’atuatuaga ua ave ia i latou aua le faatinoina o auaunaga uma mo le puipuiga o le atunu’u.

Ma le vaega mulimuli, o le tatalaina lea o nisi o galuega fa’alauiloa a le tatou Auauanga ma le Matagaluega. O nei ta’avale e 2 o loo faaogaina mo auaunaga a le Matagaluega ma le tatou Auaunaga o Puipuigamalu Lautele, ua laeiina I faiga faaonopo nei e fa’alauiloa ai nisi o feau mo le silafia lautele e le atunu’u e pei o iniseti ma manu faalafua e lei oo mai i Samoa, aemaise ai o tulaga i le faamalosia ai lea o tulaga I oloa faasaina ona auina mai i totonu o Samoa e pei o le ‘honey’ poo ‘meli suamalie’ mai isi atunu’u. O Samoa o loo aafia i atunu’u to’a laiti o le lalolagi e lei maua ai faama’I leaga o loo maua ai meli ma atina’e meli poo honey I isi atunu’u o le lalolagi. O le mafuaaga lea e faasaina ai ona auina mai ni meli suamalie poo honey gaosi mai i isi atunu’u i fafo e auina mai i totonu o Samoa.

O nei taumafaiga ma feau fa’alauiloa mo le silafia lautele e le atunu’u, e fa’ailoa atu ai lo tatou naunautaiga e le gata ia o gatasi ma le tatou Tulafono Autu, ae mo le silafia lautele aemaise o le tatou matafaioi fai faatasi i le puipuiga malu lea o si o tatou atunu’u (national responsibility).

O nei atina’e uma o lo’o lagolago ai manulauti ma mataupu taua, ua ave ai le fa’ataua a le tatou malo (Government’s priorities) i lalo o le Fuafuaga ma le Taiala Autu o Atina’e a Samoa, ma galuega tapito a le tatou Itu Mavae o Atina’e tau Faatoaga (Pathway for the Development of Samoa and the Agriculture Sector Plan) . O ia vaega ma fuafuaga alualu mamao a le Malo ma le Matagaluega e lagolago ai le saogalemu ma le manuia o tagata nuu uma o Samoa i le lumanai.

Mo le tatou aufaigaluega a le Vaega o Puipuiga Malu Lautele a le tatou Matagaluega (Biosecurity staff) — Faafetai mo la outou tautua ma galuega faatino uma i le ao ma le po (essential service).

O nei meafaigaluega ma atina’e ua tatalaina I le aso, o le a avea lea ma nisi o malosiaga I le faatinoina o o outou tiute ma le valaauina, aua le puipuiga malu o Samoa, aemaise I ona tuaoi fa’ava-o-malo mai iniseti ma manu fa’alafua aemaise fa’ama’I (pests and diseases).

I le ava ma le fa’aaloalo tele, ou te fa’apea atu ai – ua tatala aloaia nei le fa’aogaina ai o nei atina’e:

• le tatou masini fa’ata oloa fou,

• le toniga fou a le Auaunaga Puipuigamalu Lautele Samoa, ma

• .Taavale ua mae’a fa’alaeina I feau fa’alauiloa (o loo paka i fafo atu i le malu nei)

Ia avea nei atina’e ma mea faigaluega, e faamalosia ai o tatou nafa ma matafaio uma I le puipui malu ai lea o si o tatou atunu’u.

Ia faamanuia mai le Atua.

SOIFUA!

LAUNCH OF BIOSECURITY SAMOA X-RAY MACHINE, NEW UNIFORM, AND VEHICLE BRANDING FALEOLO INTERNATIONAL AIRPORT [27 November 2025]

OPENING REMARKS by the Hon. Associate Minister for Agriculture and Fisheries, Aiolupotea Tony Aiolupo

Rev. Gaolo Elisaia

Cabinet Ministers

Ms Aliona Niculita – Resident Representative UNDP Sub-regional Office in Samoa

Heads of Government Ministries and Border Agencies,

Distinguished guests,

Ladies and gentlemen.

Talofa lava and warm greetings to you all.

It is my honour this afternoon to officially launch a suite of ;important biosecurity enhancements for Samoa:

• the new state-of-the-art dual-view X-ray machine,

• the new Biosecurity Samoa uniform, and • the newly wrapped biosecurity vehicles promoting awareness on regulated pests and prohibited imports.

Together, these developments represent a major step forward in strengthening Samoa’s border protection system, and safeguarding our agriculture, environment, health and economy.

Biosecurity is our first line of defense against invasive pests and diseases. When harmful organisms enter our borders, the consequences can be far-reaching — threatening our crops, livestock, biodiversity, and even our people’s wellbeing.

The installation of this dual-view X-ray machine is a strategic investment that elevates our border screening capability at the country’s busiest gateway. Its advanced imaging allows for quicker, more accurate detection of risk goods, improving both efficiency and passenger experience.

Most importantly, it strengthens our capacity to protect Samoa from threats that could undermine our food security and national resilience.

Today’s milestone would not be possible without the continued support of the Global Environment Facility through its GEF-7 Samoa Project – Enhancing Climate Resilience of Samoa’s Communities through Integrated Management of Invasive Alien Species. This project is implemented through UNDP and the Ministry of Natural Resources and Environment as lead agency and implementing partner. I sincerely acknowledge your partnership and continuous support. Your investment reflects a shared commitment to protecting Samoa and the wider Pacific region from the impacts of invasive species.

I also acknowledge the Samoa Airport Authority, Samoa Customs Service, and our border control partners for your close cooperation. Border security is a shared responsibility, and your partnership ensures the safety of our nation.

We also launch today the new Biosecurity Samoa uniform, symbolising professionalism, visibility, and pride in service. Our MAF Biosecurity officers are frontline guardians of Samoa’s safety, and this uniform reinforces their identity and the trust placed in them.

In addition, the vehicle branding and awareness messages will support public education on regulated pests, prohibited goods, and ongoing measures to protect industries such as Samoa’s honey sector. These initiatives demonstrate our commitment not only to compliance and enforcement, but also to community awareness and national responsibility.

These developments complement the Government’s priorities under the Pathway for the Development of Samoa and the Agriculture Sector Plan, supporting a safer, more resilient, and sustainable future for our people.

To our MAF Biosecurity staff — thank you for your hard work and dedication. These tools will strengthen your ability to protect Samoa at our borders and ensure our continued success in safeguarding the nation from pests and diseases.

With these remarks, I am honoured to officially launch:

• the new dual-view X-ray machine,

• the Biosecurity Samoa uniform, and • the Biosecurity Samoa vehicle branding campaign.

May these developments strengthen our shared mission to keep Samoa safe, secure, and resilient.

God Bless this gathering and God bless Samoa!

Soifua.

December 1, 2025